Ísrael samþykkir sjálfstætt ríki Palestínumanna

Benjamin Netanyahu, forsætisráðherra Ísraels, sagði á fréttamannafundi í gærkvöldi að ísraelska þingið hefði samþykkt sjálfstætt ríki Palestínumanna.  Eru þetta straumhvörf í stefnu þeirra en friðarviðræður Ísraelsmanna og Palestínumann hefjast í Bandaríkjunum innan skamms. 

"Já, það er satt, við samþykktum sjálfstætt ríki Palestínumanna gegn því að þeir flytji burt, séu ekki með her, séu handa-, fóta- og tannlausir, og að útvarpsstöðvar þeirra leiki aðeins lög Geirmundar Valtýssonar" sagði Netanyahu á fréttamannafundinum. 

Nornabrennur og rannsóknarréttur í Reykholti

Í Reykholti hafa verið stundaðar nornabrennur undanfarin misseri og samkvæmt sóknarprestinum þar, Geir Waage, er ekki vanþörf á.  Þar munu búa óvenjulega margar konur "sem fást við kukl og galdra af verstu sort" segir Geir.  Á þessu ári hefur þrettán konum verið kastað á bálköstinn og bíða fimm sömu örlaga í haust.  "Það er eins og konur geri sér ekki grein fyrir að tarrotspil og spár í bolla eru Guðlast og því ber að refsa.  Sjálfum finnst mér dauði á báli mildur dómur yfir fólki sem fremur slíka synd" sagði Geir Waage, sóknarprestur í Reykholti. 

Geir áformar að setja saman rannsóknarrétt í vetur sem rannsaka eigi trúfestu Reykholtsbúa og nærsveitarmanna, og fjármagnaður verði með sölu aflátsbréfa.

Ný vefsíða Björgólfs

 

 

Ný vefsíða, hhab.is, er tileinkuð Björgólfi Thor Björgólfssyni og er hlutverk hennar að segja frá hans hlið á atburðarrás undanfarinna ára, sérstaklega í kringum hrunið fyrir tæplega tveimur árum. 

Vefsíðan hhab.is, sem stendur fyrir "hefurðu heyrt annan betri", segir hlið Björgólfs á einkavæðingu og umsvifum Landsbankans, eignarhaldi hans í Actavis, og Straumi Burðarás svo eitthvað sé nefnt.

Sigurður á Bessastöðum

Sigurður Einarsson, fyrrum stjórnarformaður Kaupþings snæddi kvöldverð á Bessastöðum í kvöld með forseta Íslands, Hr. Ólafi Ragnari Grímssyni og Frú Dorrit Moussaieff.  Á morgun mun Sigurður eiga fund með Syndaaflausnarráði þjóðkirkjunnar og jafnframt halda fyrirlestur um fyrirgefninguna í Norræna húsinu og hefst hann kl 17.

Gefur aftur kost á sér

Ingi Björn Albertsson hefur ákveðið að gefa kost á sér í íslenska landsliðið í knattspyrnu á ný, en hann spilaði með íslenska landsliðinu á árunum 1971 - 1978.  Ingi Björn hefur leikið sextán landsleiki og skorað tvö mörk.

Í fréttatilkynningu frá Inga Birni kemur fram að ákvörðunin sé tekin að vandlega íhuguðu máli eftir leik íslenska landsliðsins við landslið Liechtenstein í kvöld, og eftir hvatningu barna og barnabarna sinna.  "Miðað við leikinn í kvöld kem ég sterkur inn í þetta lið" sagði Ingi Björn í tilkynningu sinni.

Leikmenn KR sendir í ristilskolun

Allir leikmenn í meistaraflokki KR hafa verið sendir til Póllands í ristilskoðun vegna slælegs gengis í Pepsideildinni í sumar, og eftir stórtap á heimavellli í Evrópudeildinni gegna úkraínska liðina Karpaty Lviv, 0-3.

 Að sögn Jónasar Hannessonar, formanns knattspyrnudeildar KR, er um örþrifaráð að ræða.  "Það varð að gera eitthvað.  Við vorum búnir að vera með spilakvöld, krísukvöld, herrakvöld, dömukvöld og nú síðast makaskiptakvöld, en allt kom fyrir ekki, gengi liðsins hefur ekkert skánað svo neinu nemur" sagði Jónas.  Áætlað er að leikmenn KR komi ristilskolaðir til landsins eftir helgina.

Umboðsmaður Alþingis ræði málefni Magna

Björk Guðmundsdóttir og fleiri hafa afhent umboðsmanni Alþingis áskorun um að taka til gagngerrar endurskoðunar málefni Magna, söngvara Á móti sól.  Að áliti hópsins hefur öll umræða um Magna ekki verið nægilega gagnsæ og frekast til umdeild.  "Það er gríðarlegt hagsmunamál fyrir íslensku þjóðina að afsala sér ekki eignaréttinum á honum Magna, sem sló eftirminnilega í gegn í Rockstar Supernova og var að gefa út plötu í Bandaríkjunum.  Magni er óttalegt krútt og það er ómetanlegt fyrir börn okkar og komandi kynslóðir að fá að njóta hans" segir í yfirlýsingunni. 

Þorsteinn, Lilja og Jón Ásgeir eitt sjálf

Þorsteinn Jónsson, Lilja Pálmadóttir og Jón Ásgeir Jóhannesson viðurkenndu fyrir rétti í New York að þau væru eitt sjálf, og að þau séu með samstillt heilahveli sem skipta með sér verkum. 

Að sögn Lilju uppgötvuðu þremenningarnir að þeir væru eitt sjálf þegar þeir hittust á bar fyrir tíu árum og höfðu öll pantað sér Captain Morgan.  "Þetta var lyginni líkast, og með aðtstoð Hemi-sync diska samstilltum við heilahveli okkar, og beittum þeim svo á fjármálamarkaðinn með þessum líka frábæra árangri.  Þetta er yfirleitt þannig að Jón Ásgeir stelur, Þorsteinn breiðir yfir það, og ég eyði þýfinu.  Við erum ég sjálf" sagði Lilja.

Ekkert breyst, mun halda áfram að skipta um skoðun

"Það hefur ekkert breyst í stefnu Sjálfstæðisflokksins og hvað mig sjálfan varðar, ég og flokkurinn munum halda áfram að skipta um skoðun" sagði Bjarni Benediktsson í samtali við fréttastofu eftir landsfund Sjálfstæðisflokksins .  Bjarni hefur sjálfur myndað sér þrisvar skoðun í evrópumálum og flokkurinn opinberlega tvisvar. 

Bjarni ritaði grein með Illuga Gunnarssyni í desember 2008 þar sem þeir leggja til að sótt verði um aðild að sambandinu, í mars 2009 ályktaði flokkurinn að tvöföld atkvæðagreiðsla væri málið, og nú hefur flokkurinn ákveðið að draga umsóknina til baka alfarið.  Að sögn Bjarna gæti verið von á nýrri skoðun með haustinu.  "Ég útiloka ekkert í því sambandi.  Við þurfum núna að einhenda okkur í að örva atvinnulífið og koma atvinnulífinu af stað, og það getur vel verið að þreföld eða fjórföld atkvæðagreiðsla, áfram eða til baka með umsóknina, sé það sem þarf.  Ég hef ekki myndað mér skoðun á því", sagði Bjarni. 

Lára Ingalls býður sig fram í varaformannsembættið

Lára Ingalls, sem frægust er fyrir að hafa búið með fjölskyldu sinni á sléttum Minnesota í Bandaríkjunum, hefur ákveðið að bjóða sig fram í embætti varaformanns Sjálfstæðisflokksins.  Segir Lára að framboð hennar sé ekki endilega beint gegn Ólöfu Nordal, en bætti við að varla verður þó hjá því komist að framboðið beinist gegn framboði Ólöfu Nordal.  Lára segir eðlilegt að kosið sé á milli persóna og að enginn sé sjálfkjörinn í embætti, en henni þætti vænt um ef flokksmenn kysu hana í stað Ólafar.