Býður upp á viðskiptavild í Kolaportinu

Altmuligmaðurinn Einar Antonsson mun bjóða upp á viðskiptavild í sölubási sínum í Kolaportinu um næstu helgi.  Er um að ræða viðskiptavild sem bæði er hægt að hækka þegar vel árar og gjaldfæra þegar illa árar, allt eftir því sem eigandi óskar.  Í samtali við fréttastofu segir Einar bjóða mest upp á viðskiptavild sem búið sé gjaldfæra hjá bönkum og sparisjóðum.  

"Það má segja að þetta sé viðskiptavild með reynslu sem gengið hefur í gegnum tímana tvenna" segir Einar.  "Það er búið að fara illa með hana en hægt að gera upp með yfirtökum og kaupum á öðrum fyrirtækjum.  Hún er á vildarkjörum." sagði Einar í samtali við fréttastofu, og bætti við að von væri á arði í básinn hans sem boðinn verði til sölu verði á næstu misserum.